​Kazakhstan-Japan Silk Road Association

Ол жерде біз 1949 жылы Семейде басталған кеңестік ядролық сынақтардың (1989 жылға дейін 40 жыл бойы барлығы 456 рет жүргізілген) зардабын тартып, ақ қан ауруына шалдыққан нәрестелер мен балаларға толы палаталарды көрдік. Лейкозға қарсы дәрі-дәрмектің жетімсіздігі ең үлкен мәселе екен. Келесі 1994 жылдан бастап, дәрі-дәрмекті қол жүгімен кеденнен алып өту мүмкін болмай қалған 2002 жылға дейін жыл сайын біз оларға лейкозға қарсы дәрі-дәрмектер, сүлгілер, қолғаптар, тәттілер, т.б. жеткізіп тұрдық.

В больнице мы увидели полные палаты детей до года и старше, пострадавших, вероятно, от советских ядерных испытаний, которые начались в Семипалатинске в 1949 году, и проходивших лечение от лейкемии. Ядерные испытания проводились на протяжении 40 лет, вплоть до 1989 года, и в общей сложности проходили 456 раз. Самая большая проблема заключалась в том, что лекарств, эффективных при лейкемии, было очень мало. Начиная со следующего, 1994-го, года и заканчивая 2002-м (когда больше не стало возможности проходить таможню с лекарствами в ручной клади), мы каждый год привозили в больницу лекарства от лейкемии, полотенца, перчатки, сладости и проч.

​

Сол аралықта 1994 жылы доктор Ормантаев пен доктор Омарованы Жапонияға шақырдық. Екеуі Әулие Лука халықаралық ауруханасы сияқты жерлерде болып, сол кездегі педиатрия бөлімінің меңгерушісі Риота Хосоямен емдеу тәсілдері және басқа да тақырыптар бойынша пікір алмасты. Содан кейін де Қазақстан үкіметі МЖӘ (мемлекеттік-жекеменшік әріптестік) формасын енгізіп, Жапониядағы аталмыш әріптестіктің озық  үлгілерімен танысуға өтініш білдірген соң, біз Астанаға сол тақырыпта дәріс оқу үшін бірнеше рет бардық.

2015 жылы біз Нара префектурасының Кашихара қаласында «Жапон Теракоясы» компаниясының негізін салдық. «Жапон Теракоясы» президенті ретінде мен Қазақстан-Жапония адам ресурстарын дамыту орталығымен (директоры Жанар Бақытбекқызы Оразғалиева) бірлесе отырып, қазақстандық студенттерді Кашихара қаласына шақыру жобасын (Кашихарадағы туризм жобасы) бастадым. 2016 жылдың тамыз айында 13 қазақстандық студент жапон мәдениетінің бастауы саналатын Кашихараға келіп, жапон тарихы және мәдениетімен танысты. 2019 жылға дейін біз жыл сайын көптеген студенттерді шақырып, Жапонияны таныстырдық.

​

2018 жылдың 4 наурызында мен, яғни «Жапон Теракоясы» басшысы Кадзуо Уэда мен Қазақстан-Жапония адам ресурстарын дамыту орталығының директоры Жанар Бақытбекқызы Оразғалиева екеуіміздің арамызда Қазақстан-Жапония Жібек жолы қауымдастығын（Kazakhstan Japan Silk Road Association）құру туралы құжатқа қол қойылды. Меморандумда егжей-тегжейлі жазылғандай, мұндай қауымдастық құрудың  мақсаты – екі ел арасындағы достықты нығайтатын іс-шараларды жүзеге асыру. Осы уақытқа дейін Алматыда көктемде өтетін жапон тілінен шешендік өнер сайысы мен күзде Орталық мемлекеттік мұражай ғимаратында ұйымдастырылатын «Алматыдағы жапон мәдениеті күні» деген шараға қолдау көрсетіп келеміз.

​

Қазіргі таңда біздің қауымдастықта Қазақстаннан 400-ге жуық адам бар. Ал Жапония жақтан қауымдастық мүшелерін іріктеу жақын арада жүргізіледі. Адамдар арасында терең қарым-қатынастың орнауы ең маңызды нәрсе деп есептейтіндіктен, мен біздің қауымдастық арқылы адамдар арасындағы мәдени байланысты одан әрі дамытқым  келеді. Осы мәселеде барлығыңыздың қолдауларыңызға үміт артамын.

​