Адамның кірпіш тәні мен ақыл-ойын, рухын шыңдайтын жапондық дәстүрлі жекпе-жек түрлерінен басқа, жапондар есі кетіп жанкүйер болып көргенді немесе өздері де ойнағанды жақсы көретін, өздері «ұлттық спортымыз» деп кеткен дәстүрлі емес спорт түрлері де бар.

Жапонияның мұндай «ұлттық спорт түрлеріне» бейсбол, футбол, марафон (ұзақ қашықтыққа жүгіру), теннис, волейбол, жүзу және гольф сияқты спорт түрлерін жатқызуға болады.

 

Бейсбол – тоғыз ойыншыдан тұратын екі команда шабуыл мен қорғанысты алмастыра отырып ойнайтын спорт түрі. Бұл спорт түрі АҚШ-та пайда болған.

1845 жылы қазіргі ойнау формасы мен ережелердің негізі АҚШ-та қалыптасты.
Бейсбол Жапонияға 1872 жылы келген деген дерек бар.

Бейсбол тарихы Жапонияда 1872 жылы американдық мұғалім Горасс Уилсон студенттеріне бейсболды таныстырған кезден басталды деуге болады.

 

Жапонияда екі негізгі кәсіби бейсбол лигасы бар.

Орталық лига және Тынық мұхиты лигасы. Әр лига алты командадан тұрады, матчтар лига ішінде ойналады және әр маусымда жеңімпаз команда анықталады.
Маусым соңында екі лиганың жеңімпаз командалары жылдың ең мықты чемпионын анықтау үшін «Жапония сериясы» деп аталатын матч өткізеді.

 

Мектеп бейсболы кәсіби бейсбол сияқты танымал.

Мектеп оқушылары арасындағы Ұлттық турнир (әдетте Жазғы Кошиэн деп аталады) әр жылдың тамыз айында өткізіледі. Елдің түкпір-түкпірінен таңдалған орта мектептің бейсбол командалары жиналып, жан беріп, жан алысқан сайысқа қатысады.
1915 жылдан бері өткізіліп келе жатқан бұл турнир көпшіліктің көзайымына айналған. Тура бір жаздың дәстүрлі шарасына айналған жарыс.
Негізгі турнирге қатысатын мектептер маусым айының ортасынан шілде айының соңына дейін өтетін аймақтық турнирде анықталып, әр префектурадағы жеңімпаз мектеп негізгі турнирге қатыса алады.
Жалпы аймақтық турнирге 3500-ге жуық мектеп қатысады және жыл сайын Кошиеннің мықты бейсболшылары ойнайтын, көрерменді бейжай қалдырмайтын драмалық мачтарға ұласады.