Қазақстан мәдениеті
ҚАЗАҚ СПОРТЫ
Қазақстан спорты кеңестік дәуірден бері өте танымал болды және тәуелсіздік алғаннан бері де өзінің танымалдылығын жойған емес. Әлемдік аренаға Қазақстаннан көптеген мықты спортшылар шықты. Қазақстандағы танымал спорт түрлері мен әлемге әйгілі спортшыларына бір тоқталып кетсек.
Қазақстандағы танымал спорт түрлері
Футбол
Қазақстандағы ең танымал спорт түрлерінің бірі – футбол. Кеңес заманында алматылық «Қайрат» КСРО чемпионатының жоғарғы лигасында ұзақ ойнады. 1988 жылы Евгений Яровенко КСРО құрамасының құрамында Сеулде өткен ойындарда Олимпиада чемпионы атанды. Ал ол жылы Бразилия күміс, Германия қола жүлдегер атанған. 1994 жылы Кеңес Одағы ыдырағаннан кейін Қазақстан футбол федерациясы Азия футбол конфедерациясына (АФК) қабылданды. Бастапқыда футболшылар мен жанкүйерлер федерацияның Еуропа футбол федерациясына (УЕФА) мүше болғанын қалаған еді, бірақ бұл мүмкін болмай, федерация АФК-ға мүше болды. Алайда АФК құрамында команда әлем чемпионатына жолдама ала алмай, ойыншылар мен жанкүйерлердің наразылығы күшейіп, 2001 жылы Қазақстан федерациясы Азия футбол конфедерациясынан шығып, 2002 жылдың сәуірінде ақыры УЕФА мүшесі болды.
Қазақстан футбол федерациясының (FSK) эмблемасы
Сурет мына жерден алынды ➡Сайтқа өту
Соңғы жылдары Қазақстанда әйелдер футболы да қарқынды дамып келеді. Соның бір дәлелі – футболдан Қазақстан әйелдер құрамасының ойыншысы Аида Гайстенова 2018 жылдың 21 ақпанында Ресейдің жоғарғы лигасында өнер көрсететін Красноярскінің «Енисей» клубына қабылданды. Бұл Қазақстан әйелдер футболының тарихындағы алғашқы елеулі оқиға деуге болады.
Футболшы Аида Гайстенова
Сурет мына жерден алынды ➡Сайтқа өту
Бокс
Қазақстанда бокстың жанкүйерлері өте көп. Олимпиадалық спорт түрлерінің бірі саналатын бокста қазақ спортшылары тамаша нәтижелерге қол жеткізіп келе жатыр. Кеңес заманынан бері Қазақстандағы төртінші ірі қала, Қарағанды облысының орталығы Қарағанды қаласы бокстың меккесі атанған. Қарағанды бокс мектебі бізге 1996 жылы Атлантада өткен Олимпиада ойындарының алтын жүлдегері Василий Жиров, 2012 жылы Лондонда өткен Олимпиада ойындарының алтын жүлдегері Серік Сәпиев, 2004 жылы Афинада өткен Олимпиада ойындарының күміс жүлдегері Геннадий Головкин сияқты көрнекті спортшыларды сыйлады. Олардың есімі Қазақстанда ғана емес, шетелде де белгілі.
Серік Сапиев, Лондонда өткен Олимпиада ойындарының алтын жүлдегері , қазіргі уақытта қоғамдық қызметпен айналысатын саясаткер
Сурет мына жерден алынды ➡Сайтқа өту
Хоккей
Шайбалы хоккей де Қазақстандағы дәстүрлі және танымал спорт түрлерінің бірі. Атап айтқанда, Өскемен қаласы әлемге көптеген көрнекті хоккейшілерді сыйлады. Солардың бірі – қазақстандық атақты хоккейші Евгений Паладиев. Ол Мәскеудің «Спартак» хоккей клубында 7 жыл ойнады. Сонымен қатар ол 1972 жылы өткен аты аңызға айналған кеңестік-канадалық суперсерияға қатысты. Кеңес Одағының хоккей құрамасының құрамында ол 3 рет әлем чемпионы атанды. Сондай-ақ, 1976 жылы Инсбрукта өткен Қысқы Олимпиада ойындарында алтын алған Борис Александровтың да есімі ел аузында.
Борис Александров
Сурет мына жерден алынды ➡Сайтқа өту
Велоспорт
Қазақстанда велоспорт та өте танымал. Оның танымалдығының қозғаушы күші – 2012 жылы Лондонда өткен Жазғы Олимпиада ойындарының алтын жүлдегері Александр Винокуров. Винокуровтың жеңісі Қазақстандағы велоспорттың танымалдылығы мен кең етек алуына ықпал етті.
2006 жылы Винокуровтың және Қазақстан Премьер-Министрі Даниал Ахметовтың бастамасымен әлемдік велоспорт рейтингінде ең жоғары орындарды иеленетін «Pro Team Astana» кәсіби велокомандасы құрылды.
Тур де Франс жарысының қатысушылары «Pro Team Astana» спортшылары
Сурет мына жерден алынды ➡Сайтқа өту
Ауыр атлетика
Қазақстандағы ең танымал спорт түрлерінің бірі – ауыр атлетика. Кеңес дәуірінде ауыр атлет Анатолий Храпатыйдың аты бүкіл әлемге танылды.
Қызылорданың тумасы Илья Ильин 2008 жылғы Олимпиадада жеңіске жеткеннен кейін ауыр атлетика Қазақстанда өте танымал болды. Ильин үш санатта төрт рет әлем чемпионы атанды. Атап айтқанда, ол 2005 жылы 85 келіге дейінгі салмақта, 2006-2011 жылдары 94 келіге дейінгі салмақта және 2014 жылы 105 келіге дейінгі салмақта топ жарды.
2012 жылы Лондонда өткен Олимпиада ойындарында Қазақстан ауыр атлеттері 4 алтын медаль жеңіп алды. Олар: Илья Ильин, Светлана Подобедова, Майя Манеза и Зульфия Чиншанло.
Илья Ильин
Сурет мына жерден алынды ➡Сайтқа өту
Альпинизм
Қазақстанда жарға өрмелеуге қолайлы тау жоталары көп. Классикалық альпинизм шыңы – Хан-Тәңірі теңіз деңгейінен 7010 м биік. Хан Тәңірі – әлемнің ең солтүстігіндегі жеті мыңдық шыңдардың бірі. Ол Тянь-Шань тауларында, Қытай (Шыңжаң-Ұйғыр автономиялық ауданы, Шығыс Түркістан деп аталады), Қазақстан және Қырғызстан сияқты үш елдің шекарасында орналасқан. Солтүстік беткейі Қазақстанға, оңтүстік беткейі Қырғызстанға тиесілі.
Илья Ильин
Сурет мына жерден алынды ➡Сайтқа өту
Альпинизмнің таралуына Қазақстанда өте жоғары деңгейде қолдау көрсетіледі. 1995 жылы Қазақстан Республикасының президенті қызметін атқарып жүрген кезде, Нұрсұлтан Назарбаев Қазақстанның танымал альпинистерімен бірге Іле Алатауындағы Абай (4010 м) шыңына көтеріліп, шыңның ұшар басына Қазақстанның көк туын қадады.
★Қазақстанның олимпиада спортшылары туралы деректер★
➊
Кеңес заманының спортшысы Ғұсман Қосанов 1960 жылы Римде өткен Олимпиада ойындарында күміс жүлдеге қол жеткізіп, Қазақстанға алғашқы Олимпиада медалін сыйлаған болатын.
Ғұсман Қосанов
Сурет мына жерден алынды ➡Сайтқа өту
❷
Қазақстанның тұңғыш Олимпиада чемпионы 1972 жылғы Олимпиада ойындарында алтын медаль жеңіп алған баскетболшы Әлжан Жармұхамедов болды. Ал Қазақстанның нағыз спорт супержұлдызы – 1976 жылы Монреальда өткен Олимпиада ойындарында гимнастиканың үш түрінен жеңіске жеткен көркем гимнаст Нелли Ким. Ким Тәжікстанда дүниеге келген, бірақ туғаннан кейін көп ұзамай отбасы Қазақстанның оңтүстігіндегі Шымкентке көшіп келген. Кимнің ата-анасы әлі де Шымкентте тұрады.
Нелли Ким
Сурет мына жерден алынды ➡Сайтқа өту
❸
Олимпиадалық қысқы спорт түрлерінің жұлдыздары туралы айтар болсақ, шаңғышы Владимир Смирновты айтпай кетуге болмайды. Ол 1994 жылы Лиллехаммерде өткен олимпиаданы алтын жүлдемен бастап, Калгари мен Лиллехаммер Олимпиадасында 4 күміс медаль жеңіп алды. Ал Калгари мен Нагано Олимпиадасында қола медальға ие болды. Смирнов Олимпиада мен әлем чемпионаттарында барлығы 5 алтын, 8 күміс және 5 қола медаль иеленген супержұлдыз.
Владимир Смирнов
Сурет мына жерден алынды ➡Сайтқа өту
❹
Жапонияда өте танымал қазақстандық спортшылар туралы айтар болсақ, бұл, әрине, ерлер арасындағы конькимен сырғанаудан өнер көрсететін Денис Тен еді. Жапондық мәнерлеп сырғанаушы Юдзуру Ханюға лайықты қарсылас болған Денис Теннің Жапонияда да жанкүйерлері көп болды. Ол 2014 жылғы Сочи Олимпиадасында қола, 2013 жылғы әлем чемпионатында күміс және 2015 жылғы әлем чемпионатында қола жүлдегер атанды.
Фигурист Денис Тен
Сурет мына жерден алынды ➡Сайтқа өту
❺
2018 жылдың сәуір айында біздің Қауымдастық Кашихара қаласына (Нара префектурасы) 2020 жылы Токиода өтетін Олимпиада ойындарына қатысатын қазақстандық спорт делегациясын қабылдауды ұсынды. Бұл ұсынысты Министрлер Кабинетінің кеңсесі қабыл алды. Қазақстан Олимпиада комитетінің келісімімен Қазақстан волейбол командасы Кашихараға шақырылып, делегация мүшелері мен спортшылар жапонның ұлттық кимоносын киіп көруге және Кашихара қаласымен жақын танысуға мүмкіндік алды. Төменде сол кездегі фотолар жүктелген.
Қазақстан-Жапония
Жібек жолықауымдастығы